خلایقدن جفا گوردوم تماما---بیوفا گوردوم
وفاسیز آشنالردن ----عجائب ماجرا گوردوم
اولار کی لاف یکرنگی وروب آخر دورنگ اولدی
تماما اقربالر عقرب اولدی جانگزا گوردوم
فقط بیر تخم مرغی ساده و یکرنگ بیلمیشدیم
اونوندا کوینگین ردّایلدیم رنگین دو تا گوردوم
جهاندا قورخمادشمندن همیشه آشنادن قورخ
نچونکه آشنانون حیله و مکرین خفا گوردوم
کیمه بیل باغلادیم-قطع اولدی امیدیم بلیم سیندی
فقط بیر آشنا دنیا و عقباده خدا گوردوم
الوندن اوپسه آلاّمنا چکر اخر ایاقوندن
سو اوپسه پای دیواری یخوب ویرانسرا گوردوم
او تعظیم ایلیوب قدّین اگندن داد واویلا
بلینکه اگدی اوچی قوشلارون عمرین فنا گوردوم
زلیخا ایستموردی یوسفی اوز نفسین ایسدیدی
مجازی عاشقون عشقین یالانچی ادّعا گوردوم
اگر ایسدیدی از نفسون محبوبیدور دنیانی لا گوردوم
صمیمیت محبت عشقبازی ایتده کاملدور
بو حیوانون وفاسین فطرتین چوخ بی ریا گوردوم
یازان بیر کارمند بانکدور پول حمل ایدردیم من
بیاباندا ات اوسته بیر یری چوخ دلگشا گوردوم
بلیمده اسلحه بیر ایت یانمدا پول آت اوستونده
آتمنان دوشدوم اگلیشدیم اوزمده اشتها گوردوم
غذا صرف ایلدیم میندیم آتی بش اون قدم گتدیم
بو ایتده چوخ مسلسل غیرعادی بیر صدا گوردیم
-------------------------------------------
-------------------------------------
چخاردوردی نجاست بیر نفر چاه نجاستدن
دیدی الحمدالله شغلیمی گنج بقا گوردوم
درباره این سایت